High-fat diet iniugnay sa panganib ng lung cancer

ANG mga taong kumakain ng maraming saturated fat – ang masamang uri ng taba na sagana sa mga pagkaing gaya ng mantikilya at karne - ay mas malaki ang posibilidad na magkaroon ng lung cancer kaysa mga taong may low-fat diets, ayon sa ipinahiwatig ng mga bagong pag-aaral.

Kumpara sa matatanda na hindi gaanong matataba ang diet, ang mga tao na matataba ang karamihan sa kinakain at sagana sa saturated fat ay 14 porsiyento ang posibilidad na magkaroon ng lung malignancies, ayon sa natuklasan sa isang pag-aaral. Para sa kasalukuyan at dating nanininigarilyo, 15% ang dagdag na panganib ng high fat diet.

Bagamat ang hindi paninigarilyo ang pinakamabisang paraan para maibaba ang panganib ng lung cancer, “a healthy diet may also help reduce lung cancer risk,” sabi ng study co-author na si Danxia Yu ng Vanderbilt University Medical Center sa Nashville, Tennessee.

“Specifically, our findings suggest that increasing polyunsaturated fat intake while reducing saturated fat intake, especially among smokers and recent quitters, may ( help prevent) not only cardiovascular disease but also lung cancer,” aniya.

Inirekomenda ng American Heart Association ang Dietary Approaches To Stop Hypertension ( DASH) diet o Mediterranean-style diet upang maiwasan ang cardiovascular disease. Binibigyangdiin sa dalawang diet na ito ay ang pagluluto gamit ang vegetable oils na may unsaturated fats, pagkain ng nuts, prutas, gulay, low-fat dairy products, whole grains, isda at manok, at paglilimita sa red meat at dagdag na asukal at asin.

“Those guidelines are the same for avoiding heart disease, stroke and diabetes, and I would say they are also exactly the same for helping with cancer prevention in general and lung cancer in particular,” sabi ni Dr. Nathan Berger, researcher sa Case Western Reserve University and University Hospitals Cleveland Medical Center na hindi kasama sa pag-aaral.

“This doesn’t mean you need to throw away all the steak and butter in your freezer, but cutting back to once a week would be good for you,” ani Berger sa panayam sa telepono.

Para sa pag- aaral, sinuri ng mga mananaliksik ang data mula sa 10 nailathalang mga pag- aaral sa United States, Europe at Asia na sinuri kung paano naiimpluwensiyahan ng dietary fat ang posibilidad ng lung malignancies.

Nang pagsamahin, ang mas maliliit na pag- aaral ay mayroong mahigit 1.4 milyong partisipante, kabilang ang 18,822 na may kaso ng lung cancer na natukoy sa panahon ng average follow-up na mahigit siyam na taon.

Sa kabuuan, ang mga taong kumakain ng mas maraming unsaturated fats ay 8% mas mababa ang posibilidad na magkaroon ng lung cancer kaysa mga tao na kakaunti ang kinakain, ayon sa ulat ng mga mananaliksik sa Journal of Clinical Oncology.

Ang pagpalit ng 5% ng calories mula sa saturated fat ng unsaturated fat ay iniugnay sa 16% ng pagbaba sa panganib ng small cell lung cancer at 17% mas mababang posibilidad ng isa pang uri ng lung malignancy na kilala sa tawag na squamous cell carcinoma.

Posible na ibang masamang eating habits, at hindi taba, ang nakapag-aambag sa pagtaas ng panganib ng lung cancer, sabi ni Ursula Schwab ng Institute of Public Health and Clinical Nutrition at the University of Eastern Finland sa Kuopio.

“We need antioxidants, vitamins and minerals as well as unsaturated fatty acids,” ani Schwab, na hindi sangkot sa pag-aaral, sa email. “A typical Western diet has a low content of these essential nutrients and a high content of saturated fat.”