Labis na pag-inom ng vitamin B posibleng magdulot ng lung cancer
Ang mga lalaking umiinom ng mataas na doses ng vitamin B6 at B12 supplements ay mas nanganganib na magkaroon ng lung cancer, at ang kaugnayan ay pinakamataas sa mga naninigarilyo, ayon sa isang pag- aaral na inilathala nitong Martes.
Natuklasan sa pag-aaral ang 30% hanggang 40% pagtaas sa panganib ng lung cancer sa kalalakihang umiinom ng naturang vitamins mula sa individual supplements – hindi mula sa multivitamins o sa diet lamang. Ngunit ang panganib ay tila mas mataas sa mga naninigarilyo na lumagpas sa inirerekomendang daily amounts ng vitamins, ayon sa may-akda ng pag-aaral na si Theodore Brasky, epidemiologist sa division of cancer prevention and control sa Ohio State University College of Medicine.
“I think these results point to a synergism” sa pagitan ng high-dose B vitamins, paninigarilyo at panganib ng lung cancer sa kalalakihan, sabi ni Brasky.
Ang mga naninigarilyo na uminom ng pinamakataas na antas ng vitamin B6 ay may tripleng panganib ng lung cancer sa loob ng anim na taon, kumpara sa mga hindi umiinom ng supplements. Para sa vitamin B12, ito ay halos apat na beses. Ang mga antas na ito ay mahigit 11 beses ng inirekomendang daily amount ng B6 at 23 beses ng B12.
“If you look at B-vitamin supplement bottles ... they are anywhere between 50- fold the US recommended dietary allowance (to) upward of 2,100-fold,” anang Brasky. Aniya, nauuso na rin ang B12 injections nitong mga nakaraang taon.
Sa katamtamang doses, ang vitamins na ito ay nakatutulong sa ilang mahahalagang proseso ng katawan, kabilang ang DNA replication. Ngunit ang high-dose supplements, aniya, na sinasabing nagpapalakas ng enerhiya at nagbibigay ng iba pang hindi napatunayang mga benepisyo.
“That’s marketing. That’s not science,” diin niya.
Ginawa ang pag-aaral sa 77,000 matatanda sa Washington state, na nasa edad 50 hanggang 76. Ang mga ito ay kinabilangan ng 139 kaso ng lung cancer sa mahigit 3,200 lalaking naninigarilyo sa kasalukuyan.
Hindi naman nakitaan ng pagtaas ng panganib ng lung cancer sa mga babae o sa pag-inom ng vitamin B9, na kilala rin bilang folate.
“In the average person in this country, it’s tough to be deficient” sa B vitamins, anang Brasky.
Para sa mga may anemia o celiac disease, halimbawa – makararamdam sila ng panghihina. Kayat makatutulong sa kanila ang supplements.
Ngunit ang pag-inom ng “megadoses” ng mga supplement na ito ay walang gaanong naitutulong sa average healthy person, ani Brasky, o naidudulot na agarang pinsala. Inilalabas lamang ng katawan ang sobrang vitamin, aniya.
Ang Vitamin B12 ay matatagpuan sa animal products gaya ng karne, itlog at gatas.