Duterte ‘most caring, decisive’ sa gobyerno
Dapat umanong doblehin pa ni Pangulong Duterte ang pagsisikap sa pagsisilbi at pagbibigay proteksiyon sa bansa matapos matuklasan sa survey na siya ang pinakamaalaga at may paninindigan sa desisyon na opisyal ng gobyerno.
Kinikilala ni Presidential Spokesman Ernesto Abella na isang hamon ang resulta ng survey upang mapanatili ng Pangulo ang high approval rating nito dahil na rin sa “greater tendency to fall”.
“We are gratified that 90 percent of Filipinos consider the President as the most decisive and caring government official based on the nationwide survey by Publicus Asia,” sabi ni Abella.
“While we welcome these positive ratings, we also redouble our efforts to serve the nation for high ratings will be harder to raise and have a greater tendency to fall. Hence, we work even even harder for the advancement of the Filipino nation,” dagdag pa niya.
Sa survey ng Publicus Asia Inc. sa pagsisimula ng Agosto, natukoy na ang Pangulo ang pinakananindigan sa kanyang mga naging desisyon, na may 90% rating, kumpara sa limang iba pang matataas na opisyal ng gobyerno.
Pumangalawa sa nasabing survey si Vice President Leni Robredo, sumunod sina Chief Justice Lourdes Sereno, Senate President Aquilino Pimentel III, at Speaker Pantaleon Alvarez.
Parehong survey rin ang nagsabi na ang Pangulo ang may pinakamataas na rating ng pagmamahal, pagmamalasakit, at pangangalaga para sa bansa.
Masaya ring tinanggap ng Malacañang ang resulta ng Social Weather Stations (SWS) survey na nagpapakita ng “very good” satisfaction rating ng publiko sa administrasyon ni Duterte.