Shell Mindanao leg sa Davao City
TAMPOK ang pinakamahuhusay na player sa Mindanao sa pagsulong ng Shell National Youth Active Chess Championships (SNYACC) Southern Mindanao leg sa Sept. 2-3 sa SM City sa Davao.
Inaasahang dadagsa ang mga player sa torneo na itinataguyod ng Pilipinas Shell bunsod sa nakatayang slots para sa National Finals.
Bukas na ang pagpapatala batay sa ‘first-come, first-served basis’ para sa unang 400 players. Para sa karagdagang detalye, makipag-ugnayan kay tournament coordinator Alex Dinoy sa mobile no. at 0922-8288510. Maaari ring makuha ang registration forms sa www.shell.com.ph/shell_chess. http:// www.shell.com.ph/shell_chess. May registration fee na P100.
Nakataya sa tatlong division -kiddies, juniors at seniors divisions – bukod sa top ladies player ang tiket para sa National Finals na nakatakda sa Oct. 7-8.
Ang kiddies section ay para sa player na may edad 7-12, habang ang juniors ay para sa 13-16 at ang seniors ay para sa 17- 20.
Sa ksalukuyan, may 29 players na ang nakausad sa Grand Finals sa torneo na itinataguyod din ng National Chess Federation of the Philippines.
Nakatakda naman ang Visayas qualifying sa Sept. 16-17 sa Cebu City.
Ang torneo ay suportado rin ng Shell V-Power, Shell Advance, Shell Rimula, Shell Helix, Shell Fuel Save, at Shell Card, sa pakikipagtulungan ng SM Supermalls.