Cardinals, naupos sa Bombers

SUMANDAL ang Jose Rizal sa tikas ni rookie transferee Aaron Bordon para maigupo ang Mapua, 68-59, kahapon para tumapos sa ikatlong puwesto matapos ang first round ng 93rd NCAA basketball tournament kahapon sa Filoil Arena, San Juan City.

Hataw ang 23- anyos na si Bordon, nakuha mula sa Cavite State University at may averaged 5.5 puntos, sa naiskor na careerhigh 23 puntos para bigyan buhay ang opensa ng Bombers matapos kapusin ang premyadong point guard na si Teytey Teodoro para sa ikaapat na sunod na panalo sa likod ng anim na kabiguan.

Nalimitahan lamang si Teodoro, may teamhigh 13. 9 puntos, sa pitong puntos.

“He has the potential but he just need to be pushed,” sambit ni Jose Rizal coach Vergel Meneses, patungkol sa diskarte ni Bordon.

“A win is a win, but the way we won, I’m not happy about it. Our turnovers helped them toget back, they converted on our turnovers. Good thing we made our shots in the end,” aniya.

Nag-ambag sina Jed Mendoza ng 12 puntos, habang kumana sina Ervin Grospe at Mark dela Virgen ng tig-11 puntos.

Nanguna naman sa Mapua sina Christian Bunag at Abdul-Wahan Abdul-Razak ng Dhana na kapwa humugot ng tig-21 rebound.

Naglaro ang Cardinals na wala ang tatlong premyadong players na sina Allwell Oraeme, Shane Menina at Andoy Estrella na pawang may injury. Iskor: Jose Rizal ( 68)- Bordon 17, Mendoza 12, Grospe 11, dela Virgen 11, Teodoro 7, Abdul Razak 5, Poutouochi 3, Mate 2, Sawat 0, David 0

Mapua (59)- Bunag 15, Victoria 12, Gabo 8, Aquirre 8, Pelayo 6, Nieles 4, Raflores 4, Jimenez 2

Quarterscores: 19-16, 38-34; 49-42; 68-59