Trabaho lang, walang personalan—Irving
BOSTON (AP) — Hindi naitago ni Kyrie Irving ang pananabik at kasiyahan nang pormal siyang ipakilala bilang bagong miyembro ng Boston Celtics nitong Biyernes (Sabado sa Manila).
“It’s about to be crazy, G,” pahayag ni Irving sa kapwa bagitong Celt na si Gordon Hayward.
Nakuha ng Boston ang four-time All-Star sa ‘blockbuster tarde’ na kinasangkutan nina Isaiah Thomas, Jae Crowder, Ante Zizic at dalawang draft picks para sa Cleveland. Nakuha naman si Hayward bilang free agent nitong Hulyo.
Madaling nagkapalagayan ng loob sina Hayward at Irving na magkasabay na humarap sa media sa ginanap na jersey presentation.
Ngunit, ‘tila multong nagbabalik ang usapin hinggil sa kanyang personal na ‘request’ para mai-trade ng Cavs – ang koponan na nagabayan niya sa tatlong NBA Finals at kaunaunahang NBA title kasama si LeBron James noong 2016.
Inamin ni Irving na sariling kagustuhan ang ma-trade, ngunit hindi umano ang personal na alitan kay James ang dahilan kundi ang kagustuhan na magamit nang todo ang kanyang potensiyal.
Inamin din niya na hindi pa sila nagkakausap ni James mula nang maisakatup maisakatuparan ang trade, ngunit inamin na isa sa pinakamahalagang parte ng kanyang career ang nakasama si James na itinuturing niyang isa sa ‘basketball greats’.
“Of learning the hard way,” sambit ni Irving. “But we’re all human beings and I think we’ve all been through a few hard times to where it changes the landscape of what you think and what you feel. It was my time to do what was best for me in terms of my intentions. And that’s going after something bigger than myself.”
Iginiit naman ni Hayward na isang pagkakataon ang muling makasama ang kanyang college coach sa Butler na si Brad Stevens.
“A lot has changed since we last were together,” sambit ni Hayward.
“I don’t know if I would have imagined 5:45 a.m. workouts at Brownsburg (Indiana) High School, we’d both be sitting here one day. I think both of us have grown.”