Jennifer Lawrence, pinagtawanan ang kontrahang rebyu sa ‘Mother’
IPINAGKIBIT-
BALIKAT lang ni Jennifer Lawrence ang matitinding reaksiyon sa kanyang bagong pelikulang Mother na pinalakpakan pero pinintasan din nang unang ipalabas ngayong linggo. Hati ang mga kritiko dahil may mga natuwa at nainis sa pelikula.
Tampok sa horror movie, idinirehe ni Darren Aronofsky, ang Oscar-winner na si Jennifer bilang young pregnant woman na nasira ang buhay nang dumating ang mga hindi inaasahang bisita sa bahay nilang magasawa sa isang liblib na lugar.
“The reviews have been just been cracking me up,” wika ni Jennifer sa mga mamamahayag sa London roll- out ng pelikula nitong Miyerkules pagkatapos ng world premiere nito sa Venice film festival.
“People either love it or they absolutely hate it and I think that’s so cool. Like there’s not one person that’s walked out of it like ‘uh,’ and I love that,” dugtong niya.
Ipapalabas ang pelikula, tampok ang isa sa most sought-after actresses ng Hollywood at ang award-winning director, sa mga sinehan sa buong mundo sa susunod na linggo. Tinawag ni Owen
Gleiberman ng Variety ang pelikula na, “a baroque nightmare that’s about nothing but itself,” at inilarawan ito ni David Edelstein ng
New York Magazine na “grandiose and selfaggrandizing.” Binigyan ito ni
Peter Bradshaw ng pahayagang Guardian ng Britain ng limang bituin, idinagdag na, “As horror it is ridiculous, as comedy it is startling and hilarious, and as a machine for freaking you out it is a thing of wonder.”