Solong panalo sa jackpot SUPERLOTTO 6/49

MASUWERTENG nakuha ng isang masugid na tagatangkilik ng SUPERLOTTO 6/49 ang jackpot prize na P16,000,000.00, nitong Martes, Setyembre 19, 2017.

Ayon kay Philippine Charity Sweepstakes Office (PCSO) General Manager Alexander F. Balutan, ang winning ticket na may kombinasyon ng mga numerong 21, 39, 04, 10, 31, 11 ay mula sa lotto outlet sa Waltermart, Sta. Rosa, Laguna.

“Sa muling pagkakataon, nakapagpabago na naman ang PCSO ng buhay ng isa nating kababayan”, pahayag ni Balutan.

Ang SUPERLOTTO 6/49 ay nilalaro tuwing Martes, Huwebes at Linggo.

Ang lotto draws ay live na napapanood sa PTV4 tuwing ika-9 ng gabi.

Para sa winning combinations at schedule ng iba pang PCSO gaming products, maaaring bisitahin ang official website ng PCSO na www. pcso.gov.ph.