House, asar sa mabagal na pabahay

Asar na asar ang House Committee on Housing and Urban Development sa mabagal na implementasyon ng housing relocation at resettlement projects para sa mga biktima ng bagyong Yolanda sa Eastern Samar at Tacloban noong 2013.

Dahil dito, ipinagpatuloy ng komite ni Negros Occidental Rep. Alfredo Benitez ang pagdinig sa House Resolution No. 599, na naglalayong imbestigahan ang usad-pagong na implementasyon ng proyekto.

“We’re out to find the appropriate intervention to fast-track housing production and at the same time hold accountable those who have been remiss in their duties in these housing projects,” ani Benitez.