4 na ONE event, ilalarga sa Manila
SINGAPORE – Kabuuang 24 event sa buong Asya, kabilang ang apat na promosyon sa Manila, at ang ilalarga ng ONE Championship para sa taong 2018.
Isasagawa rin sa kauna-unahang pagkakataon ang world-class mixed martial arts action sa South Korea at Japan.
“We are thrilled to announce our incredible 2018 calendar of events for ONE Championship. We have 24 massive shows planned for all sports fans in Asia and will continue to showcase the absolute best in martial arts, delivered by our homegrown martial arts superheroes. 2018 is going to be an epic year of action and I can’t wait to get things started,” pahayag ni Chatri Sityodtong, chairman at CEO ng ONE Championship.
Umani ng mataas na rating ang promosyon ng ONE ngayong taon kung saan tinanghal ang tatlong bagong kampeon sa tatlong division -- Aung La N Sang, Martin Nguyen, at Adriano Moraes.
Nanatili namang blockbuster ang mga laban nina ONE superstar Ben Askren at Angela Lee, habang ipinakilala ang mga bagpng martial discipline sa live events tulad ng ‘Lethwei’ at ‘Silat’ gayundin ang kauna-unahang Grappling SuperMatch na nagtampok kina martial arts legend Shinya Aoki ng Japan at Brazilian jiu-jitsu star Garry Tonon ng United States.
Narito ang kumpletong listahan ng mga laban para sa susunod na season: Jakarta, Indonesia (Jan. 20), Manila (Jan. 26), Yangon, Myanmar (Feb. 24), Kuala Lumpur (March 9), Bangkok (March 24), Manila (April 20), Jakarta (May 12), Singapore (May 18), Shanghai, China (May 26), Kuala Lumpur (June 8), Beijing (June), Manila (July 27), Seoul, South Korea (July), Bangkok (Aug. 11), Shanghai, China (Aug. 18), Kuala Lumpur (Sept. 15), Jakarta (Sept. 22), Tokyo (Sept.), Bangkok (Oct. 6), Manila (Nov. 16), Singpore (Nov. 23), Jakarta (Dec. 8), Shanghai (Dec. 15), Bangkok (Dec. 22).
Para sa karagdagang detalye, bisitahin ang www.onefc.com, gayundin sa Twitter at Instagram @ ONEChampionship.