Fatima, umusad sa q’finals ng NAASCU

ABANTE sa quarterfinals ang last year’s runner- up Our Lady of Fatima University at Philippine Merchant Marine School sa NAASCU Season 17 men’s basketball tournament sa San Andres Sports Complex sa Malate.

Sumandal ang OLFU sa threepoint shot ni Rommel Diosa sa huling 2.2 segundo upang pataubin ang Lyceum of Subic Bay at itakda ang quarterfinal showdown laban sa Group A runner-up St. Francis of Assisi College.

Samantala, naungusan ng PMMS ang New Era University, 80-73, upang masungkit ang tiket kalaban ang Group B topnotcher De Ocampo Memorial College sa Final Eight.

Gayunman, kapwa may hawak na twice-to-beat advantages ang St. Francis at De Ocampo.

Sa iba pang quarterfinals, magtutuos ang defending champion St. Clare CollegeCaloocan at Enderun College at maghaharap ang Colegio de San Lorenzo at Philippine Christian University.

Tulad ng De Ocampo at SFAC, ang St. Clare at CdSL ay may twiceto-beat incentive.

Kumubra si Miguel Cabrera sa naiskor na 25 puntos, habang kumana si Andrei Albano na may 18 puntos at si Chris Essomba ay may 14 puntos, 13 rebounds at tatlong blocks para sa Phoenix ni coach Ralph Emerson Rivera.

Nanguna sina Lyndon del Rosario at Formera sa Sharks sa natipang 19 at 15 puntos, ayon sa pagkakasunod.

Sa pangalawang laro, umasa ang PMMS kina Donmark Matillano na may 25 puntos at Aaron Morante na kumana ng 15 puntos para magwagi sa New Era.

Si PBA legend Pido Jarencio ang tournament commissioner. Iskor: (Unang Laro) Fatima (86) - Cabrera 25, Albano 18, Essomba 14, Diosa 11, Sarona 11, Pedrosa 7, Datu 0, Bargola 0, Gozum 0.

LSB ( 83) - Del Rosario 19, Fomera 15, Castillo 12, Jacaban 11, Djilla 7, Saludo 6, Sunguad 5, Pelaez 4, Dan Luis 2, David 2.

Quarterscores: 21- 17, 49- 38, 66-62, 86-83. (Ikalawang laro) PMMS ( 80) - Matillano 25, Morante 15, Antonares 10, Hilario 10, Mboe 8, Sunga 6, Gilbero 4, Bernardo 2, Villamayor 0.

NEU (73) - Reyes 18, Velchez 13, Akindele 12, Dela Cruz 10, Comia 6, Plema 6, Bringas 5, Absin 2, Asistio 1, Castillo 0.

Quarterscores: 18- 13, 34- 26, 60-48, 80-73