Older men, younger women sa Hollywood movies, binatikos
AYON
kay Reese Witherspoon, hindi makatotohanan ang pagkahumaling ng Hollywood sa mga relasyon ng may edad na lalaki at nakababatang babae.
Sa panayam ng British newspaper na The Evening Standard para i-promote ang bago niyang pelikulang Home Again, tinalakay ng 41-anyos na aktres kung paano naging “bizarre” na ang mga aktor na nakabituin niya noong nagsisimula pa lamang siya sa pag-aartista ay lumalabas ngayon na katambal ang mga babaeng mas bata sa kanila ng mahigit sampung taon - isang usapin na pagsang-ayon niya sa mga kapwa aktres na sina Maggie
Gyllenhaal at Cate Blanchett na sinisisi ang katotohanan na ang dahilan ng karamihan sa mga istoryang ito ay isinasalaysay ng mga lalaking direktor.
Mas bata si Reese ng limang taon kay Mark Wahlberg nang magtambal sila sa 1996 thriller na Fear at sa bagong summer blockbuster ng huli na Transformers:
The Last Knight, lumabas ang 46anyos katambal si Laura Haddock, na sa edad na 32 ay mahigit isang dekadang mas bata sa aktor.
“It’s interesting, the movies that I used to make with certain leading men, they get older, but their co-stars get younger, but my co-stars don’t. It’s weird,” buntonghininga ni Reese. “It’s not reflective of reality, it’s a construct in a certain way and it’s seen through the lens of a lot of male directors. So I think if we change the people making the movies we’ll see different relationships on film.”
Sa Home Again, natutuwa si Reese na baligtarin ang trend sa bibihirang masilayang onscreen coupling sa pagganap niya bilang isang 40- anyos na babae na nakarelasyon ng 20-something na lalaki nang makipaghiwalay siya sa kanyang asawa.
“I think there’s a really unique relationship between an older woman and a younger man in the film and I thought that I’d never really seen that on film, apart from maybe The Graduate, which is a completely different dynamic,” paliwanag niya tungkol sa pelikula, na obra ng first-time director na si
Hallie Meyers-Shyer. “I thought it took a woman to think of a woman in her forties as being really appealing to a younger guy.”