Khloe Kardashian buntis din sa unang anak
LOS
ANGELES ( Reuters) – Nagdadalantao si Khloe
Kardashian, ang nakababatang kapatid ni Kim Kardashian, ayon sa ulat ng iba’t ibang publikasyon nitong Martes, ilang araw matapos pumutok ang balitang buntis din si Kylie Jenner, ang bunso ng celebrity family, sa una nitong anak.
Iniulat ng celebrity news publications na TMZ. com, Us
Weekly at People magazine, pawang binanggit ang hindi pinangalanang source, na si Khloe, 33, kasintahan ng Cleveland Cavaliers basketball player na si Tristan Thompson, ay tatlong buwang buntis sa kanyang unang anak.
Hindi sumagot ang kinatawan ni Khloe sa mga humiling ng komento.
Walang binanggit si Khloe tungkol sa kanyang pagbubuntis sa social media nitong Martes. Ang huli niyang Instagram post ay ang larawan niya na ipinakikita ang kanyang flat midriff tatlong araw na ang nakalilipas. Hindi rin binanggit ni Thompson ang balita sa kanyang social media platforms.
Lumabas ang balita ilang araw matapos iulat na ang 20-anyos na social media star na si Kylie ay buntis sa anak nila ng kanyang boyfriendm na si Travis Scott. Hindi pa niya kinukumpirma ang balita. Si Kim at asawang rapper na si
Kanye West ay magkakaroon din ng ikatlong anak sa pamamagitan ng surrogate, na nakatakdang isilang sa susunod na taon, iniulat ng People magazine nitong unang bahagi ng buwan.
Ang mga balita tungkol sa pagbubuntis ay kasabay ng 10th anniversary ng palabas ng E! Network na Keeping Up With the Kardashians, na nagpasikat sa Kardashian at Jenner clan at naging isa sa pinakamatagumpay na reality franchise ng Amerika.