Halos kalahati ng aborsiyon, hindi ligtas

HALOS

kalahati ng tinatayang 56 milyong aborsiyon na isinasagawa kada taon ay hindi ligtas, pahayag ng mga mananaliksik nitong Miyerkules.

Halos lahat maliban sa iilang 25.5 milyong mapanganib na aborsiyon — na maaaring maglagay sa peligro sa buhay ng ina, anak o pareho – ay nangyayari sa Africa, Asia at Latin America, ulat ng researchers sa The Lancet medical journal.

Sa maraming bansa sa Africa, halos 15 porsiyento ng mga procedure sa paglalaglag ng ipinagbubuntis ay nasa minimum medical standards lamang, ayon sa datos na ginamit sa global analysis.

Binigyang- diin ng tuklas ang malaking kaugnayan ng mga batas sa aborsiyon at kaligtasan.

“The highest proportions of safe abortions were seen in countries with less restrictive laws, high economic development and well developed infrastructures,” sabi ng pangunahing mayakda na si Bela Ganatra, researcher sa World Health Organization sa Geneva.

Ang pag-aaral ay ibinatay sa datos mula 2010 hanggang 2014.

Sa North America, 99% ng mga aborsiyon ay inuring ligtas, sinusundan ng hilagang Europe (98%), kanlurang Europe (94%), at timog Europe (91%).

Hindi tulad ng mga naunang pagtaya, hinahati ng bagong pag-aaral ang kategorya ng unsafe abortions sa dalawang grupo, “less” at “least” safe.

Ang “less safe” aborsiyon — bumubuo ng 30.7% ng kabuuan — ay kinabibilangan ng puwersahang paggamit ng drogang misoprostol nang walang suporta ng professional health providers, o isinagawa ng trained personnel gamit ang mga lumang paraan, gaya ng pagkayod sa lining ng uterus.

May 14.4 porsiyento ng lahat ng mga aborsiyon kamakailan— mahigit walong milyon kada taon — ay nasa grupong “least safe”, nangangahulugan na isinasagawa ito ng mga indibidwal na walang kasanayan gamit ang mga mapanganib o invasive methods.

“The vast majority of unsafe abortions in Africa were categorised as ‘least safe’, and were associated with high rates of death,” ipinahayag ng mga mananaliksik.

Ang bahagi ng safe abortions ay lumagpas sa 50% sa tatlong developing world regions: ang timog silangang Asia (60%), kanlurang Asia (52%), at timog Africa (74%).

Sa mga bansa na pinahihintulutan ang aborsiyon, mahigit 87% ng aborsiyon ay itinuturing na ligtas.

Sa 62 bansa na nagbabawal sa procedure o pinapayagan lamang para mailigtas ang buhay ng ina, halos 25% ng aborsiyon ang ligtas.

“Our findings call for the need to ensure access to safe abortions to the full extent of the law, particularly in low income regions,” ani Ganatra.