Jay-Z, J.Lo mangunguna sa hurricane benefit show
PANGUNGUNAHAN ng pop superstar na si Jennifer Lopez at ng rap mogul na si Jay-Z ang isang concert sa New York na lilikom ng pondo para sa survivors ng mga bagyong sumalanta sa United States at sa Caribbean.
Ipinahayag ng Tidal, streaming service na pinamumunuan ni Jay- Z, nitong Miyerkules ang line- up ng show na gaganapin sa Oktubre 17 sa Barclays Center arena ng Brooklyn.
Si J. Lo, isinilang sa New York ng mga magulang na tubong-Puerto Rico, ay nagkaloob kamakailan ng $1 milyon sa relief ng Hurricane Maria, na nagdulot ng matinding pinsala sa elektrisidad at imprastraktura ng isla.
Ang hip- hop- heavy lineup ng konsiyerto ay magtatampok din sa rappers na sina DJ Khaled, Cardi B, Joey Bada$$, Belly, Iggy Azalea, Vic
Mensa at Daddy Yankee -- ang Puerto Rican rapper na bahagi ng viral global hit na Despacito.
Kabilang sa performers ng iba pang genre ang electronic artist na si Kaskade, R&B singer na si Chris Brown at pop group na Fifth Harmony.
Magkakasunod na hinagupit ng malalakas na bagyong Harvey, Irma at Maria ang Caribbean at iba pang bahagi ng United States nitong nakaraang buwan.
Ang asawa ni Jay-Z na si Beyonce ay nauna nang nangako ng pangmatagalang tulong sa kanyang bayan sa Houston habang bumabangon ito sa pinsala ng Harvey.