PH junior chessers, tagisan sa Shell Chess Grand Finals

KABUUANG 48 players mula sa limang regional elimination sa buong bansa ang magtatagisan ng husay at galing para sa koronasyon bilang pinakamahusay na junior players sa isusulong na National Finals ng Shell Youth Active Chess Championship sa Oktubre 7-8 sa MOA Arena.

Sa isa pang pagkakataon, itatampok ng Pilipinas Shell Petroleum Corporation (PSPC), tagapagtaguyod ng taunang torneo sa nakalipas na 25 taon, ang mga kampeon at nagkwalipikang player para sa ultimate battle sa sports na nakatuklas sa husay nina Grandmasters Wesley So, Mark Paragua at Nelson Mariano II.

Nakatuon ang pansin kina NCR leg champions Cyrus Francisco ng San Beda (kiddies), Francois Magpily ng Gen. Pio del Pilar National High (juniors) at Dale Bernardo ng Far Eastern University (seniors) na inaasahang mapapalaban sa mga top players na nanguna sa isinagawang elimination sa Batangas, Cagayan de Oro, Davao at Cebu.

Gagamitin sa torneo ang 9-round Swiss system tournament kung saan ang kampeon sa seniors division ay tatanggap ng P30,000, habang ang juniors ay may P20,000 at ang kiddies titlist ay mag-uuwi ng P10,000 bukod sa tropeo. Tatanggap din ng premyong P10,000 ang top female player.

Kasama ring pambato ng NCR sina kiddies finalists Chester Reyes, Cedric Abris at Roilanne Alonso, juniors James Erese at Julius Gonzales at seniors Jeth Morado, Darry Bernardo at Ynna Canape.

Narito ang kumpletong listahan ng mga kwalipikado sa National Finals.

(Batangas leg) Michael Concio Jr., Mark Bacojo and Daren dela Cruz (kiddies); Stephen Pangilinan, Daniel Quizon and Kylen Joy Mordido (juniors); Jonathan Jota, Romulo Curioso, Jr. at Venice Vicente (seniors); (Cagayan de Oro leg) David Ancheta, Joseph dela Rama and Rhea Canino (kiddies); Adrian Yulo, Ronald Canino and Mary Joy Tan (juniors); Ahman Ali Azote, Emmanuel Acierto and Zsuzsa-Tabudlong (seniors);

(Davao) Wesley Magbanua, Charliemagne Arias and Ruth Atog (kiddies); Aaron Caresosa, Kurt Placencia and Irish Yngayo (juniors); Andre Jiorgo, Gino Asuncion and Dhona-Yngayo (seniors); (Cebu) Jerish Velarde, Jeraian Cagang and Edelyn Vosotros (kiddies); Chris Pondoyo, Cyril Telesforo and Alphecca Gonzales (juniors); and Allan Pason, Jethro Esplanada at Jinky Catulay (seniors).

Itinataguyod ang torneo ng Pilipinas Shell, sa pakikipagtulungan ng National Chess Federation of the Philippines, Shell Fuels (Shell Fuel Save), Shell Helix, Shell Rimula, Shell Advance, Shell Cardm at Shell V-Power at SM Supermalls.