Spanish king binatikos ang Catalan leaders

BARCELONA (Reuters, AFP) – Inakusahan ni King Felipe VI ng Spain nitong Martes ang Catalan secessionist leaders na winawasak ang democratic principles at hinahati ang lipunang Catalan, habang nagmamartsa ang libu-libo sa mga kalsada sa rehiyon para iprotesta ang bayolenteng pagbuwag ng pulisya sa ipinagbawal na independence referendum noong Linggo.

Ang televised speech ng 49-anyos na hari na karaniwang tahimik sa politika ay senyales kung gaano kalalim ang epekto sa Spain ng botohan sa Catalan at ng police crackdown na ikinasugat ng 900 katao.

Sa labas ng Catalonia, matindi ang pagtutol ng Spaniards sa kampanya ng kalayaan.

Sa kanyang talumpati, binatikos ng hari ang “irresponsible behavior” ng Catalan leaders na aniya ay binubulabog ang katahimikan sa rehiyon.

“Today Catalan society is fractured and in conflict,” aniya. “They (the Catalan leaders) have infringed the system of legally approved rules with their decisions, showing an unacceptable disloyalty towards the powers of the state. It is the responsibility of the legitimate state powers to ensure constitutional order,’’ aniya.

Nanindigan si King Felipe sa Spanish constitution at sa demokrasya, at binigyangdiin ang kanyang pangako sa pagkakaisa at pananatiling buo ng Spain.

Ilang oras matapos ang talumpati ng hari, lumabas si Catalan president Carles Puigdemont sa panayam ng BBC at sinabing magdeklara sila ng kalayaan sa Spain.

‘’We are going to declare independence 48 hours after all the official results are counted,’’ ani Puigdemont.