Tradisyong binibigyang-buhay sa Cardona

mga kabataan, mga mag-aaral at iba pang samahan sa Cardona. Ang Sapao-an Festival ay nagsimula ng 1:00 ng hapon sa tapat ng isang ospital sa Barangay Looc at natapos sa Barangay Calahan. Kasunod nito ang show down sa covered court ng Cardona upang piliin ang mga pinakamahusay na lumahok sa Sapao-an Festival.

Ang SAPAO-AN ay hango sa salitang SAPAW na may kaugnayan sa pagsapaw o pagkahinog ng mga palay sa bukid na itinanim ng mga magsasaka. Pinaniniwalaan din na ito ay mula sa isinisigaw ng mga magsasaka noon na “SAPAW NA” kapag nakita nilang sumasapaw ang mga palay sa bukid.

Ang Sapao-an ay matapat na bahagi ng pasasalamat sa Poong Maykapal sa mga biyayang natanggap sa patnubay ng Mahal na Birhen ng Sto. Rosario.

Sa araw naman ng kapistahan, isang concelebrated mass ang idinaos sa simbahan ng Cardona kung saan nakadambana ang imahen ng Mahal na Birhen ng Sto. Rosario. Naging makahulugan ang kapistahan sapagkat pagkatapos ng misa, ipinahayag ni Bishop Francisco de Leon na ang simbahan ng Cardona ay Diocesan Shrine na ng Mahal na Birhen ng Sto. Rosario. Ang pahayag ay kasabay na rin ng ika-145 taon ng pagkakatayo ng simbahan ng Cardona.

Ang Cardona, ayon sa kasaysayan, ay itinatag noong 1854. Ang nasabing lugar ay kilala sa tawag na VISITA DE SAPAO. Itinatag ng mga paring misyonerong Franciscano sa pangunguna ni Padre de San Antonio. May nagsasabi naman na ang CARDONA ay mula sa salitang “caldo” na ang kahulugan ay sabaw at CARDO na isang mayamang may-ari ng lupa noon sa VISITA DE SAPAO. May nanini- wala naman na ang CARDONA ay ipinangalan ng mga Kastila. Pangalan ng isang bayan sa Espanya at apelyido ng tao roon.

Sa panahon ng Himagsikan, ang mga mamamayan ay sumapi sa Revolutionary Government ni Heneral Emilio Aguinaldo. At nang sumiklab ang Ikalawang Digmaang Pandaigdig, maraming kabataan at mamamayan ang nagtanggol sa Bataan at lumaban sa mga Hapon, kabilang na rito si dating Rizal Congressman at ROTC Hunters Supremo Frisco San Juan, Sr. at ang kanyang kapatid na yumaong si Cardona Mayor Benny San Juan, Sr.

Sa pagdiriwang ng kapistahan ng Mahal na Birhen ng Sto. Rosario, ang pagpapahalaga at pagbibigaybuhay sa kanilang namanang tradisyon, na nakaugat na sa kultura ng mamamayan ng Cardona, ay lalong tumitibay sa pagkakaisa.