Bangkok Glass, inisnab ni Jaja

TINANGGIHAN ni National University star Jaja Santiago ang alok na maglaro sa Bangkok Glass sa Thailand Volleyball League.

Ayon kay Santiago, nakatuon ang kanyang pansin sa pag-aaral at sa kanyang papel na pangunahan ang Lady Bulldogs sa UAAP, at ang Foton sa domestic commercial league.

Iginiit ni Santiago na nakasisilaw ang alok na US$4,000 kada buwan na suweldo sa loob ng anim na buwan, ngunit mas nanaig, aniya, ang kagustuhan niyang mapangalagaan ang pag-aaral.

Nakatakda ang UAAP Season 80 women’s volleyball tournament sa Pebrero sa susunod na taon, habang ang PSL Grand Prix ay hanggang Disyembre.

“I wanted to finish my studies and I am already expecting (to finish) it this year. This is the only gift I will have na kahit sinuman hindi makukuha sa ‘kin. Second, I am a person that honor my commitments,”pahayag ni Santiago sa panayam ng Spin.ph.

“Yes for sure, my school NU and my club team Foton will support me in every decisions na gagawin ko, but for me, I made commitments ahead of time and I just can’t leave everyone hanging because of a sudden offer. I hope everyone will understand,” aniya.

Pormal na kinausap ni Thai national team manager Somchai Donpraiyod ang pamunuan ng NU hinggil dito.

“If I will think only about myself, definitely yes! I will grab the opportunity. It’s a big offer at the same time it’s a great opportunity for me as a Filipino athlete to represent our country in international leagues but, I have to prioritize things,” aniya.

Ito ang ikalawang pagkakataon na tinanggihan ng 6-foot-5 spiker ang alok sa abroad. Noong 2013, kinuha siya ng University of California, Los Angeles (UCLA) ngunit tinanggihan din niya ito.