Ex-Cebu mayor, kinasuhan sa Yolanda scam
Pinapasampahan ng kasong graft sa Sandiganbayan ang dating mayor ng Daanbantayan, Cebu, dahil sa kanyang pagkakasangkot sa anomalyang bumabalot sa Yolanda fund noong 2014.
Sinabi ng Sandiganbayan na may probable cause ang reklamong laban kay Augusto Corro.
Napatunayan din ng Ombudsman na nagkasala si Corro sa kasong simple negligence kaya't pinagmulta ito ng katumbas ng dalawang buwang suweldo nito, dahil wala na siya sa gobyerno.
"Corro’s culpability stemmed from his flip-flopping on the qualified beneficiaries of the Emergency Shelter Assistance (ESA), a financial assistance fund from the Department of Social Welfare and Development (DSWD) released to victims of typhoon Yolanda.
Sa ilalim ng ESA program, makakatanggap ng P30,000 ang mga nawalan ng bahay dahil sa hagupit ni Yolanda. P10,000 naman ang mapupunta sa mga residente na nasiraan ng bahay.
Natuklasan ng fact-finding team ng Ombudsman na umabot sa P425,870,000 ang natanggap nilang pondo para sa implementasyon ng nabanggit na programa.
Hinikayat naman ng DSWD ang local government units sa mga apektadong lugar ng magbigay ng listahan ng mga pamilya.
Noong Oktubre 2014, isinumite ng Daanbantayan sa DSWD ang listahan ng 16,613 beneficiaries.
Nirekomenda ng Office of the Ombudsman ang two- month suspension kay Corro sa kasong simple negligence.
Kung sakaling masibak si Corro, fine ang ipapataw na katumbas ng dalawang buwang suweldo.
Nag-ugat ang usapin nang ideklara ni Corro na "disqualified" ang mga residente sa pagtanggap ng ayudang nakapaloob sa emergency shelter assistance (ESA) mula sa Department of Social Welfare and Developmemt (DSWD) dahil umano nakatira sila sa itinalagang danger zone.