Mga pabayang police regional chief sisibakin
Tatanggalin sa puwesto ang mga police regional director na mapatutnayang naging pabaya sa trabaho.
Ito ang inihayag kahapon ng Philippine National Police-Internal Affairs Service (PNP-IAS) Director Alfegar Triambulo.
Sa panayam sa Camp Crame, sinabi ni Triambulo na inatasan na niya ang mga commander ng Regional Affairs Service (RAS) na magsagawa ng special inspection sa mga kaso ng homecide.
Kasama na aniya rito ang pag audit sa mga performance ng mga pulis.
Sa oras na mapatunayan na hindi ginagawa ng isang police regional director ang kanyang mga trabaho ay agad na irere-komenda ng IAS kay PNP chief Director General Ronald Dela Rosa, na alisin ito sa puwesto.
Nagkomento din si Triambulo tungkol sa mainit na isyu ng extrajudicial killings of EJK.
Sinabi ni Triambulo na ang mga napapatay sa kampanya ng pamahalaan laban sa droga ay kinokonsidera nilang homicide under investigation.
Bubuo rin IAS ng technical working group upang repasuhin ang lahat ng kaso ng Death Under Investigation upang malaman ang status ng imbestigasyon at kung ano ang findings ng mga ito.
Paliwanag ni Trianbulo, maituturing lamang na EJK ang isang pagpatay kung taong gobyerno ang gumawa nito.
Wala aniyang kapangyarihan ang mga pulis na pumatay o magsagawa ng judicial killings.