Protesta vs Catalan independence dinagsa

BARCELONA (REUTERS) – Dumagsa sa mga lansangan ng Barcelona, ang kabisera ng Catalan region, nitong Linggo ang mga mamamayang ayaw humiwalay sa Spain.

Tinaya ng mga pulis na nasa 350,000 katao ang nagwagayway ng Spanish at Catalan flags at nagbitbit ng mga karatula na nagsasabing “Catalonia is Spain” at “Together we are stronger”.

Ang Catalonia, may sariling lengguwahe at kuktura at pinamumunuan ng pro-independence regional government, ay nagdaos ng referendum noong Oktubre 1 para humiwalay at sinuway ang constitutional court ng Spain na idineklarang ilegal ang botohan.

Mahigit 90 porsiyento ang bumotong pabor sa kasarinlan, ngunit hati ang opinion polls. Nasa 43 porsiyento lamang ng populasyon ng rehiyon ang nakibahagi sa referendum, at karamihan ng mga mamamayan ay nais na manatili sa Spain.

“We feel both Catalan and Spanish,” ani Araceli Ponze, 72, nakiisa sa anti-indpendence rally nitong Linggo. “We have to speak out very loudly so they know what we want.”

Ang demonstrasyon ay inorganisa ng antiindependence group na Catalan Civil Society para pakilusin ang pinaniniwalaan nitong “silent majority” na tutol sa kalayaan.

Nagsalita sa rally ang Nobel prize-winning novelist na si Mario Vargas Llosa, may dual Spanish at Peruvian nationality. Sinabi niya sa mga mamamahayag na ipinakita ng rally na maraming Catalan “don’t want the coup d‘etat the Catalan government is fostering”.