Kylie Jenner, nagpahiwatig tungkol sa kanyang pagbubuntis sa Snapchat
NAG-POST si Kylie Jenner ng serye ng Snapchat videos nitong Biyernes na ipinakikita ang kanyang legs at ang poolside view kasabay ng pagpapahiwatig tungkol sa kanyang pagbubuntis.
Sa isa pang post, nakatingin ang bida ng Life of Kylie sa camera, walang makeup, habang nagrerelaks sa pool. Sa isa pa, umiinom siya sa itim na Solo cup na may caption na, “Nothing’s gonna hurt you baby” na may kasamang shining stars emoji, isang reference sa awitin ng Cigarettes After Sex.
Kalaunan ay ipinakita ni Kylie ang kanya blinged-out watch sa kamay na nakapatong sa kanyang binti.
Nauna nang iniulat ng Us Weekly, ang bituin ng Keeping
Up with the Kardashians, na hindi pa nagsasalita tungkol sa balita, at ang kanyang rapper boyfriend na si Travis Scott, ay magkakaroon na ng baby girl.
Patuloy ang pagbibigay ng lip kit creator, 20, ng mga hint na siya ay buntis, kabilang ang isang Snapchat video na ipinakita niya ang isang baby blue Kylie Jenner iPhone case na napagigitnaan ng dalawang pink phone cases. Itinago rin ng social media icon, kilala sa paglalantad ng kanyang assets, ang kanyang katawan sa mga litrato na in-upload niya kamakailan sa Instagram.
Buntis din ang mga nakatatanda niyang kapatid na sina Kim Kardashian at Khloé
Kardashian. Isisilang ni Khloé, 33, ang kanyang panganay na anak sa kasintahang NBA star na si Tristan Thompson samantalang si Kim, 36, ay magkakaroon ng ikatlong anak sa asawang si Kanye West sa pamamagitan ng surrogate.
Sinabi ng isang source sa Us na ang sabay na pagbubuntis nila ni Khloé ay nagbigay kay Kylie ng “super prepared” feeling.
“They are looking at it like it’s a unifying experience for them as sisters,” sabi ng isa pang source na malapit sa magkapatid, na inaasahang halos sabay na magsisilang sa unang bahagi ng susunod na taon. “It was coincidental, but they couldn’t be more stoked.”
Sa katunayan, nakaalalay ang kanyang sikat na pamilya sa kabuuan ng kanyang pagbubuntis.
“Kylie was leaning on Kim and (mom) Kris ( Jenner)… and talked through her decisionmaking process regarding moving forward with this pregnancy, having the baby and what she’s going to do,” sabi ng insider.
“They all wanted Kylie to make the decision for herself and to understand this is what it looks like, this is how your life will change, and Kylie gets that,” dagdag nito.