‘Anne Frank’ costume inalis sa US Halloween sale
INALIS
ng American Internet retailers sa sale ang Halloween costume na kumakatawan sa mga kasuotan ni Anne Frank, ang celebrated Jewish teen na namatay sa isang Nazi concentration camp.
Sa halagang $25 (excluding shipping), ‘’your child can play the role of a World War II hero on Halloween,’’ saad sa patalastas para sa costume.
Ito ay asul na damit na may butonessaharapan at green beret, ang nausong kasuotan ng mga batang babae simula 1930s hanggang 1940s, saad sa patalastas na may kasamang litrato ng nakangiting batang babae na nakapameywang.
Walang nakitang dahilan ang AntiDefamation League para ngumiti.
‘’In a climate of escalating worldwide antiSemitism, the costume sold on Amazon as a ‘WWII evacuee costume’’ and elsewhere as an ‘Anne Frank costume’ is unconscionably insensitive to Holocaust survivors and their families,’’ sabi ng ADL, na lumalaban sa antiSemitism.
Idinagdag ng sangay ng ADL sa lungsod ng St Louis na: ‘’We learn from Anne Frank’s life and death to honor her and prevent future atrocity. We don’t exploit her.’’
Nahaharap sa kontrobersiya, inalis ng ilang distributors ang costume sa kanilang online displays, at isa ang naglabas ng apology. Ang The Diary of Anne Frank ay isa sa mostread books sa mundo.
Ang German-born, Jewish teenager ay nagtatala sa kanyang intimate memoir habang nagtatago sa attic ng kanilang bahay sa Amsterdam sa Nazioccupied Netherlands hanggang sa siya ay mahuli noong 1944.
Namatay si Anne Frank sa typhus sa Bergen-Belsen concentration camp noong 1945, sa edad na 15, bago pa man mapalaya ang kampo ng mga sundalong Briton. Hindi ito ang unang pagkakataon na ang mga costume para sa Halloween, isang malaking kapistahan na ipinagdiriwang sa US tuwing Oktubre 31, ay pinagmulan ng mga kontrobersiya.
Dalawang taon na ang nakalilipas, iniurong ng US retailers na Wal-Mart at EBay ang isang kasuotan ng sundalong Israeli at ‘’Arab’’ nose dahil sa mga pagbatikos.