‘Balangiga,‛ nagprotesta sa MTRCB rating na pinalitan
MAYagreement ang QCinema at ang MTRCB na nagbibigay sa filmmakers ng karapatan na magself rate, tatlong taon na itong ginagawa. Seven out of the eight official entries ang nag-self rate ng GP (General Patronage), kasama ang dalawang sex-themed films.
Dalawang araw nang palabas ang Balangiga (isa sa mga films in competition) nang bigla na lang baguhin ng QCinema ang GP rating at ginawang R-13.
So nagtatanong ang director na si Khavn dela Cruz at ang producer: ano ang dahilan, dahil ba may pinatay na manok at baboy sa pelikula?
Pero mukhang deadma ang organizers, walang official communication, maliban sa FYI sa PM galing sa isang staff.
Well, sabi nga ni Khavn, subjective naman talaga ang ratings, depende sa moralidad ng tumitingin.
Ngayon, umaapela ang mga bumubuo ng pelikula to friends from the QCinema to please talk to the director and the producer, and at the very least, explain the reason for the sudden R-13 ratings and the process of appeal.
Alam naman siguro natin kung ano ang epekto ng R-13 ratings sa pelikula: may possibility na hindi na ito maipalabas outside QCinema dahil baka i-jack-up ng MTRCB ang ratings pagdating sa kanila at gawing R-16 or R-18. Paano pa maipapalabas ang Balangiga sa Tacloban, Catarman, Calbayog, Borongan, o sa labas ng Metro Manila kapag nagkataon?
Maliit lang ang sirkulo ng showbiz, magkakakilala naman halos tayo, magkakaibigan. Hindi naman siguro kalabisan na kausapin ang direktor at ang producer in a dialogue, i-apply ang rules nang patas, at ipaliwanag kung bakit para makagawa ng remedyo ang filmmaker.
Ang sabi ng direktor ng Balangiga, “Tinanong namin bakit. Aminal slaughter daw. But we consulted with lawyers and ayon sa batas, ok lang daw ang mga patay na hayop na kinakain natin gaya ng manok, baboy, etc. then we had a meeting yesterday after lang naming mangalampag (dahil before this, dinededma na kami). Sobrang dami raw objectionable scenes kaya hindi sila makapagcite ng exact scenes (because we are willing to cut the film if it means the film becomes GP or even PG). Ito ang malala: the theme is objectionable. tanong ko, what is the theme? Sagot nila, ‘the atrocities of war experienced by kids’. Huh? So how does one edit out a theme? And haven’t they seen ‘Grave of the Fireflies’? Animation daw ‘yun so it doesn’t count. Huh? How about ‘Empire of the Sun’. etc., etc., etc.?
“Nabasa nila ang screenplay namin ni Jerry way before. It even got the best screenplay in the pitching. The screenplay contains the theme, sana dun pa lang binaril na nila at sinabing bawal iyun,” sabi ng direktor.
“Bakit nila pinasa sa filmmakers then babawiin? Alam ko MTRCB passed the work on to QCinema who in turn passed it on to filmmakers.
“Parang ang labo? Asked us to self-rate. Then tatangalin ang self-rating without explanation, saying its their prerogative to do that?”
“Should this not be a simple matter sana? They tell me what scene caused the R13 coz I will cut. we also want to bring this to the children of Samar, Leyte, Bohol, etc.,” dagdag pa ni Khavn.
Will Balangiga suffer the same fate as Oro na nadismiss na ang kaso sa mga korte at nahusgahan at naparusahan bago pa man nagtalo sa korte? Sana we all have learned our lesson. Hinihintay natin ang sagot ng QCinema sa isyung ito.