Ang paglaya ng Marawi

Katimugan, bunga ng pananakop ng mga terorista sa lungsod, waring normal pa rin ang takbo ng pamumuhay sa Mindanao.

Kung ang Davao City ang pagbabasehan ng epekto ng martial law sa Mindanao, ‘tila mayroong magandang dapat asahan sa rehabilitasyon ng Marawi. Ang pinakamahalaga rito ay ang emosyonal na pagbabago ng loobin, pagkakasundu-sundo at pagkakaisa ng damdamin ng mga Moro at Kristiyanong taga-Marawi.

Hindi matatawaran ang kahalagahan ng Marawi sa pangkalahatang paglago ng Mindanao. Ang lungsod ay naging makasaysayang sentro ng edukasyon at lunduan ng Islamikong mga pagaaral, hanggang ito ay makaladkad sa kaguluhang dulot ng mga ekstremistang Islamiko na lumabag sa mga prinsipyo ng Koran.

Pansamantala lamang ang krisis sa Marawi ngunit gumugol ng limang buwan at mahigit 1,000 buhay ang nalagas bago ito nabawi at napalayang muli. Maaari pa ring magkaroon ng panibagong pagbabanta anumang oras kapag naging kampante ang mga awtoridad. Binibigyang-diin ng muling paglaya ng Marawi ang determinasyon ng pamahalaan na isulong ang pangmatagalang kapayapaan at kalunlaran.

Nananatiling nakakubli ang masasamang-loob sa mga lalawigan kaya hindi pa rin tiyak na madaling gawing destinasyon ng mga turista ang Marawi, ngunit napakahalaga ang mga aral mula sa naging karanasan nito para lalong tumibay ang determinasyon ng lungsod na bumangon at masidhing tahakin ang landas tungo sa kaunlaran, lalo na kung walang martial law.

Bukod sa masalimuot na sitwasyon sa Mindanao, pinatibay ng Marawi siege ang kaisipan na ang pagdikit ng relihiyosong kulay sa terorismo ay hindi ganap na totoo. Natuklasan din ng mga taga-Mindanao na naging biktima ng madugong mga kaguluhan sa maraming siglo na ang marahas na pamamaraan ay lalo lamang nagpapala sa kanilang mga suliranin.

Sa panahon ng administrasyong Duterte lamang naging focus ng pamumuhunan ang Mindanao. Malaki ang gagampanang papel nito sa pangkalahatang ekonomiya ng Pilipinas. Naging positibo rin ang pagtingin ng karamihan sa martial law na ginawang higit na maliwanag ang kinabukasan ng Marawi.