Bakbakang Coco vs Jhong, kinasasabikan
KINASASABIKANng mga sumusubaybay sa FPJ’s Ang
Probinsyano ang matira ang matibay at wala nang atrasang umaatikabong bakbakan nina Cardo ( Coco Martin) at Alakdan ( Jhong Hilario).
Mas lalo pang magiging maaksiyon ang bawat gabi ngayong alam na ni Cardo na sangkot si Alakdan sa pagkamatay ng kanyang anak nang pagdalhin siya ng bomba nang hindi niya alam upang patayin ang isang senador, gaya ng pagkamatay ni Ricky Boy.
Kaya sa pagbabalik ni Cardo sa Mt. Karagao, agad niyang haharapin ang grupo ni Alakdan, dala-dala ang poot at galit sa karumaldumal na pagkamatay ng anak. Ngunit hindi basta- basta magpapatalo si Alakdan kasama ang kanyang buong puwersa upang patumbahin si Cardo.
Mainit na inaabangan ang kahahantungan ng kanilang laban. Maipaghiganti na nga kaya ni Cardo si Ricky Boy? Patuloy sa pamamayagpag ang
FPJ’s Ang Probinsyano sa national TV ratings, ayon sa viewership survey data ng Kantar Media. Nitong nakaraang Martes nga lang, nagkamit ang serye ng national TV rating na 41.2%, kumpara sa katapat nitong Super Ma’am na nakakuha lamang ng 17.6%. Pinag-uusapan din ito sa social media sa pagiging trending topic ng palabas gabi-gabi at paglikom ng libu-libong tweets.
Huwag palampasin ang maaaksiyong tagpo sa nangungunang serye sa bansa na
FPJ’s Ang Probinsyano, gabi-gabi sa ABSCBN at ABS-CBN HD (SkyCable ch 167). Para past episodes ng program, pumunta lamang sa iWanTV at sa skyondemand. com.ph para sa Sky subscribers.