Pagdawit kina Drilon at Roxas sa droga, mahirap paniwalaan

Hindi kumbinsido si Majority Senator Panfilo Lacson kahapon sa pagsisiwalat ni Justice Secretary Vitaliano Aguirre na ang mga miyembro ng Liberal Party ( LP) na sina Senador Franklin Drilon at dating Interior and Local Government secretary Mar Roxas ay may kinalaman sa sindikato ng droga.

Dinepensahan ni Lacson, pinuno ng Senate Committee on Public Order and Dangerous Drugs, sina Drilon at Roxas laban sa mga paratang ng selfconfessed drug cartel bagman na si Ricky Serenio.

“For me, not only probably because I know Sens. Drilon and Roxas too well, but also it is hard to believe the words of a rival drug lord of Odicta who cannot anymore confirm or deny that statement,” ani Lacson sa mga mamamahayag.

Sinabi ni Aguirre na nakasaad sa affidavit ni Serenio na ang dalawang haligi ng LP ay mga protector ng illegal drug trade sa lalawigan ng Iloilo, partikular ni Melvin Odicta Sr., ang pinaghinalaang drug lord na binaril at napatay sa Caticlan, Aklan, noong Agosto 2016. Sinabi niya na ipapasa ang impormasyon sa Philippine Drug Enforcement Authority (PDEA).

Itinanggi ng LP ang mga alegasyon ni Serenio, sinabi na ang administrasyong Duterte ay “all-out to demonize the party” at may “habit of manufacturing ‘witnesses’ who have questionable record and reputation.” IMBENTONG PARATANG

Sa hiwalay na pahayag kahapon tinawag ni LP president at Sen. Francis Pangilinan ang mga akusasyon na “nonsense” at “made up” sa pagsisikap na mailihis ang atensiyon mula sa mga kontrobersiyang kinakaharap ng gobyernong Duterte.

Inilarawan naman ni Roxas ang mga pahayag ni Aguirre na kakatwa at hinimok ito na gawain nang tama at patas ang kanyang trabaho.

“Mabuti nga para magkaalaman na tungkol sa pang-imbentong ito. Note that the affidavits’ allegation is from a dubious source and based on double hearsay from a person who is already dead!” ani Roxas.

Kumpiyansa naman si Vice President Maria Leonor “Leni” Robredo na kayang ipagtanggol nina Drilon at Roxas ang kanilang mga sarili Roxas laban sa mga walang basehang akusasyon. “For me, I don’t think there’s any need to defend them because in the first place, it’s [accusations] are baseless,” ani Robredo. “If there’s a case, then file it,” dugtong niya. TAKOT SA SARILING MULTO

Bumuwelta naman ang Malacañang sa mga akusasyon ng LP na ito ang nasa likod ng pagdawit sa droga kina Drilon at Roxas, sinabing natatakot lamang sa sariling multo ang partido.

Pinasinungalingan ni China Jocson, assistant ni Presidential Spokesman Ernesto Abella, ang mga pahayag ng LP na tinatangka nitong pagmukhaing masama ang opposition party at ilihis ang atensiyon sa mahahalagang isyu.

“The administration has nothing to do with the testimony of a drug cartel bagman Mr. Ricky Serenio implicating Senator Franklin Drilon and former Secretary Mar Roxas to the illegal drug trade in the Visayas,” ani Jocson sa press briefing sa Palasyo kahapon.

“The Liberal Party is afraid of its own ghost after conducting several witch hunt investigations against their perceived political enemies when they were in power,” dugtong niya.