Magkaisa kaysa magyabangan

ANG tagong alitan na dahandahang sumisira sa PDP-Laban ay tiyak na hindi mabuti. Hindi lamang ito nagpapakita ng uri ng mga partidong pampulitika na mayroon tayo; ipinakikita rin nito ang uri ng immaturity ng mga partidista sa pagtatanggol sa kanilang nais laban sa mga intensiyon na nagsisilbi lamang sa interes ng mga kahina- hinalang karakter.

Ang kamakailang deklarasyon ng Konseho ng Lupon ng PDPLaban Mindanao Area na maging independiyente sa pambansang pamunuan ay nagbubunyag lamang ng pagkakawatak ng partido. Ang dahilan ng pagkakawatak ay materyal sa kredibilidad ng grupo dahil ang mga ‘taksil’ ay itinuturo ang umano’y hindi pagiging maingat sa pagtanggap ng mga bagong miyembro na nabigong maabot ang kinakailangan ng partido.

Kung ang mga campus organization ay may mga tuntunin na namamahala sa pagpasok ng mga aplikante, hindi ba dapat maging mas seryoso at makatwiran ang mga partidong pampulitika, ang mga unyon ng mga taong may sapat na gulang at pag-iisip na may galing sa pamumuno, at sumunod sa mga panuntunan at regulasyon ng organisasyon? Kahit na sina Sen. Aquilino ‘Nene’ Pimentel, Jr., isa sa mga tagapagtatag ng PDP-Laban, ay ayaw nang makagambala sa alitan ng partido dahil nagretiro na siya mula sa pulitika.

Noong ako ay nanunungkulan bilang OIC-Mayor ng Kalibo, ang kabisera ng Aklan, inorganisa ko ang Aklan PDP-Laban Chapter, kasama na ang tagapangulo ng Subic Bay Metropolitan Authority ( SBMA) na si Martin B Diño, sa ilalim ng pagtuturo ni Nene. Matapat naming sinunod ang mga patakaran ng PDP-Laban. Nagsagawa kami ng mga seminar at workshop upang matiyak na naunawaan at niyakap ng mga bagong miyembro ang mga prinsipyo, layunin at proseso ng partido.

Kamakailan lamang, sinabi ni Rep. Antonio ‘Tonyboy’ Floirendo, sa isang pahayag hinggil sa pagtatanggal sa kanya sa PDPLaban, na nagsasabing “it looks like the claws of authoritarianism has finally pierced the sacred ground the Party has zealously guarded against freebooters, carpetbaggers and opportunists.” In-adopt ng mga pundit ang terminong “political zombie”, upang italaga ang mga pulitiko, ang ilan sa mga ito ay pinaghihinalaang tulak ng ilegal na droga at mga lumalabag sa anti-graft law, na minsan ay inuri bilang mga political butterflies at turncoats.

Higit sa lahat, ang mga tagapagtatag ng partido, sa pamamagitan ng disiplina sa mga...

hakbangin ng mga pilosopiya na ginawa ng PDP-Laban sa ngayon, ay dapat na maghangad ng isang mas mahusay at de-kalidad na koalisyon na gumagalang sa mga prinsipyo ng partido, kaysa pagpapataas ng mga ranggo ng kasapi nito.

Pahihinain lamang ng mga bugok na itlog ang isang maprinsipyong partido. Sa paraan ng pag-usbong ng mga pangyayari, makikitang hindi na naghahangad ng iisang layunin ang PDP-Laban. Maliban kung ipahihiwatig na ang mga panuntunan ay dapat na ipatupad sa bawat at kada aktibidad ng partido, mahihirapan ang patido na makamit ang layunin nito.