Doliguez vs Pacio sa ONE FC
AMINADO si Roy “The Dominator” Doliguez na mapaghamon ang kampanya niya sa ONE Championship ngayong taon. Ngunit, ang masakit ay ang pagiging hadlang sa pagtatangka ng kababayan na si Joshua Pacio na muling mapaningning ang career.
Tinik sa lalamunan ni Pacio si Doliguez na makakaharap niya sa undercard ng ONE: LEGENDS OF THE WORLD sa Nobyembre 10 sa MOA Arena.
Kabilang si Pacio sa itinuturing na isa sa pinakamatikas at kompetitibong fighter tangan ang 9-2 marka, tampok ang limang panalo via submission at tatlong knokcouts.
Ngunit, nabigo ang 21-anyos na pambato ng Baguio City sa kanyang huling laban kay Japanese prospect Hayato Suzuki nitong Agosto. Bunsod nito, kakailanganin niyang maibalik ang winning run laban kay Dolinguez.
Subalit, hindi basta-basta ang kanyang karibal.
Galing si Doliguez, isa sa pinamatikas na challenger sa ONE Strawweight World Championship, sa impresibong panalo kontra Brazilian stalwart Yago Bryan via third-round knockout nitong Setyembre.
Sa kabila ng pagkakaroon ng 11 laban bilang mixed martial artist, hindi matatawaran ang marka ni Doliguez sa boxing kung saan naitala niya ang 46 professional bouts.
Nakopo ni Doliguez ang WBO Asia Pacific light flyweight belt noong September 2002 bago nabigo kay Fernando Montiel para sa WBO super flyweight championship noong Enero 2003.
Sa kanyang paglipat sa MMA noong 2011, kaagad na nagpakitang-gilas si Dolinguez nang maipanalao ang anim na pitong laban. Kabilang sa ginapi niya ang mga beteranong sina Leo Occena, Alvin Ramirez, Lito Adiwang, Franklin Donglay, Jerome Wanawan at Dennis Salazar.
Ayon kay Doliguez, ang karanasan niya sa boxing ang bentahe niya laban kay Pacio.
“My advantage coming into this fight is my experience. I’ve face the best both in the ring and in the cage. I am battle tested, and on November 10, my experience will have an important factor,” pahayag ni Doliguez.
“He has a bright future ahead of him, but this is a different territory for him. Meanwhile, I’m not new to this. I’ve been here before. If he wants to go full three rounds with me, I am ready. I am best in deep waters of the fight,” aniya.
Ngunit, inamin ni Doliguez na hindi pipitsugin si Pacio.
“For this fight, I’ve trained as hard as ever. I have continued to improve my overall game. I’ve also worked on my ground skills, both offensively and defensively. I’m very excited to test these out in the cage in my upcoming bout against a talented fighter like Joshua Pacio,” aniya.
“People ask me why I am still competing at the age of 35, and I tell them that I just like to do it. I will go on as long as I can because I love martial arts. I love competing. I love training. This is my life,” sambit ni Doliguez.