NARCO-POLITICOS

Gov, 18 pang mayors inalisan ng police powers

Patuloy na humahaba ang listahan ng mga narco-politician kasunod ng pagbawi sa isang gobernador at sa 18 pang alkalde ng superbisyon at operational control sa pulisyasakanilangmganasasakupan dahil sa pagkakasangkot umano sa kalakalan ng ilegal na droga.

Sa mga resolusyong pirmado ni Department of Interior and Local Government (DILG) officer-in-charge (OIC) at National Police Commission (Napolcom) Chairman Catalino Cuy, inalisan ng police powers sina Zamboanga del Sur Gov. Antonio Cerilles; Sinacaban, Misamis Oriental Mayor Crisinciano Mahilac; Lopez Jaena, Misamis Occidental Mayor Michael Gutierrez; Sapang Dalaga, Misamis Occidental Mayor Donjie Animas; Oroquieta City, Misamis Occidental Mayor Jason Almonte; Concepcion, Misamis Occidental Mayor Juanidy Viña.

Wala na ring police powers sina Calamba, Misamis Occidental Mayor Ezel Villanueva; Pasuquin, Ilocos Norte Mayor Ferdinand Aguinaldo; Concepcion, Tarlac Mayor Andres Lacson; Subic, Zambales Mayor Jefferson Khonghun; Camiling, Tarlac Mayor Erlon Agustin; Ronda, Cebu Mayor Mariano Blanco; Santo Niño, South Cotabato Mayor Pablo Matinong Jr.; Libungan, North Cotabato Mayor Christopher Cuan; Banga, South Cotabato Mayor Albert Palencia; Midsalip, Zamboanga del Sur Mayor Leonida Angcap; El Nido, Palawan Mayor Niever Cabunalda- Rosento; Bataraza, Palawan Mayor Abraham Ibba; at Angeles City, Pampanga Mayor Edgardo Pamintuan.

BEST MAYOR Si Mayor Pamintuan ang kasalukuyang presidente ng League of Cities of the Philippines (LCP), at ikawalong best mayor sa biennial World Mayors Project (WMP) noong 2012.

Kasama rin sa listahan si dating Lugait, Misamis Oriental Mayor Wellie Lim dahil alkalde pa siya noong gawin ang imbestigasyon at nang buuin ng Napolcom ang nabanggit na mga resolusyon. UNANG 5 SA SOUTHERN

TAGALOG Una nang tinanggalan ng Napolcom ng police powers ang limang alkalde sa Southern Tagalog Region: Lemery, Batangas Mayor Eulalio Alilio; Teresa, Rizal Mayor Raul Palino; Tanauan City, Batangas Mayor Antonio Halili; Rodriguez, Rizal Mayor Cecilio Hernandez; at San Pablo City, Laguna Mayor Loreto Amante.

Nakasaad sa resolusyon na ang pasya ay batay sa tuluy-tuloy na validation ng kinauukulang intelligence agencies, na tumukoy sa mga nasabing opisyal bilang sangkot sa illegal drug trade activity sa kanikanilang lugar.