ONE FC star Lee, sugatan sa aksidente

HONOLULU — Naudlot ang nakatakdang pagdepensa ni Angela Lee sa ONE Female World Atomweight championship matapos masangkot sa aksidente sa Hawaii.

Sa pahayag ng Honolulu StarAdvertiser, hindi makakalaban si Lee sa ONE Championship female world atomweight champion sa Nobyembre 24 sa Singapore.

Kinumpirma ni ONE Championship CEO Chatri Sityodtong sa kanyang Facebook page na nabagga ang sinasakyan ni Lee nitong Martes (Miyerkules sa Manila) habang patungo sa kanyang ensayo. Aniya, nagtamo umano ang ONE female star ng concussion at paso sa katawan.

Wala namang binanggit na petsa si Sityodtong para sa pagbabalik-aksiyon ni Lee.

Ang Singapore-based promotion ang nangungunang mixed martial arts promotion sa Asya.

Si Lee ay dating Hawaii state wrestling champion at anak ng mag-asawang martial arts instructors.

PETER BALTAZAR TOP MAN! Kumpiyansa si Edward Folayang na maidedepensa ang ONE FC title sa main event ng Legends of World.