Binata patay sa hit-and-run
Nabaling mga buto sa katawan at nabasag na bungo ang sanhi ng pagkamatay ng isang binata, matapos ma-hit-and-run habang tumatawid sa pedestrian lane sa Valenzuela City, kahapon ng madaling araw.
Ayon kay SPO4 Ritchie Garcia, officer-in-charge ng Vehicle Traffic and Investigation Unit (VTIU) ng Valenzuela Police, dead on the spot si Novie Macoco, 27, ng No. 119 Morang Street, Barangay Malinta ng nasabing lungsod.
Sa kuha ng closed- circuit television (CCTV) camera, tumawid ang biktima sa pedestrian lane sa Mac Arthur Highway, Encarnacion St., Bgy. Dalandanan, Valenzuela City, dakong 1:50 ng madaling araw.
Nasa gitna na ng kalsada si Macoco nang sumulpot ang puting van (plate number: for dropping) at sinalpok ang biktima.
Sa lakas ng pagkakasalpok, tumilapon ang biktima at nabagok.
Kinikilala na ang driver ng van.