Tyson, pinigilan sa Chile airport

SANTIAGO, Chile (AP) — Pinigilan ng Chilean authorities si dating heavyweight champion Mike Tyson na makapasok sa kanilang bansa at kaagad na pinabalik sa US.

Ayon sa Chile Police na katumbas ng FBI sa US nitong Huwebes (Biyernes sa Manila), pinigilan nila si Tyson sa airport dahil sa kabiguang maipasa ang itinakdang ‘requirements’ para sa pagpasok ng mga turista sa Chile.

Bumuno ng tatlong taon sa sentensyang anim na taong pagkabilanggo ang dating undisputed champion at pinakamayamang atleta sa mundo bunsod ng kasong rape sa isang teen-ager na contestant sa Ms. America noong 1990.

Sa mensahe ng Chilean Police of Investigations sa kanilang Twitter account, kaagad umanong ineskortan si Tyson pabalik sa US sakay na unang biyahe patungo sa kanyang bansa.

Nasa Chile si Tyson bilang panauhin sa promotional event ng isang bagong TV channel. Noong, 2013, napilitan siyang ibasura ang planong promotional appearance sa London dahil sa kanyang sentensya na tahasang nagbabawal para makapsok sa Britain.