Kumpiyansa sa Code of Conduct nego

Naghahanda ang mga lider ng Association of Southeast Asian Nations (ASEAN) at ang China sa pagsisimula ng negosasyon para sa pagkakaisahang Code of Conduct (COC) sa South China Sea kapag sila ay nagpulong sa Maynila sa Martes.

“We expect the leaders to announce the negotiations but the actual start of the negotiations will probably happen sometime next year,” pahayag ni Foreign Affairs Spokesman Robespierre Bolivar sa press conference sa International Media Center ngayong weekend.

Sinabi ng DFA spokesman na inaasahang tatalakayin ng mga lider bukas, Nobyembre 13, ang usapin at ipahahayag ang pormal na pagsisimula ng negosasyon ng aktuwal na COC na pinagtibay nitong Agosto 6 sa pulong ng mga foreign minister sa Manila.

Ipinaliwanag niya na iyon ang magiging balangkas ng Code at batayan ng negosasyon.

Ayon kay Bolivar, pangunahing papel ang gagampanan ng Pilipinas dahil ito na ang hahalili bilang country coordinator ng relasyong ASEAN-China simula sa susunod na taon kapag nagsimula na ang negosasyon.