L.A. District Attorney, naglunsad ng sexual abuse task force
BUMUO
ng task force si Los Angeles District Attorney Sharon Lacey na kinabibilangan ng veteran prosecutors na mag-aasikaso sa mga kaso ng sexual abuse sa entertainment industry.
Ito ang inihayag ni Lacey nitong Huwebes, at sinabing hindi pa nakakatanggap ang kanyang opisina ng kaso mula sa law enforcement.
Ginulantang ang show business nitong nakaraang buwan ng mga akusasyon ng pangmomolestiya ng highprofile figures kabilang sina Harvey Weinstein, Brett Ratner, Kevin Spacey, James Toback, at marami pang iba. Umusbong ang unang mga akusasyon noong Oktubre 5 laban kay Weinstein.
“In response to the widespread allegations of sexual abuse in the entertainment industry, I have established a task force of specially trained deputy district attorneys who are ready to evaluate these cases if any are referred to my office for criminal prosecution,” saad ni Lacey. “I have assigned the group of veteran sex crimes prosecutors to work together to ensure a uniformed approach to the legal review and possible prosecution of any case that meets both the legal and factual standards for criminal prosecution.” Sa loob ng apat na dekada, hinawakan ng opisina ang prosecution at extradition sa filmmaker na si Roman Polanski, na nahatulang guilty noong 1977 sa panghahalay sa 13 taong gulang na bata. Inihayag din niya nitong Huwebes na nakikipagtulungan sa pulisya ang kanyang opisina. “To date, we have not received any cases from law enforcement for possible criminal filing,” ani Lacey. “We are in communication with the Los Angeles and Beverly Hills police departments.”