Sri Lanka nababahala sa pagdami ng torture at rape allegations
GENEVA (AP) — Nahaharap ang gobyerno ng Sri Lanka sa tumitinding problema sa pagsagot sa umano’y human rights violations kasunod ng Associated Press investigation na mahigit 50 lalaki ang nagsabing sila ay biktima ng panghahalay at torture ngayong taon.
Ibinahagi ng mga lalaki ang pangaabusong ginawa sa kanila halos isang dekada matapos matuldukan ang civil war ng Sri Lanka at ilang araw bago ang review ng top human rights body ng UN sa Indian Ocean nation.
Umapela ang mga doktor, psychologist, lawmakers at rights groups sa United Nations na imbestigahan ang bagong alegasyon na inilathala ng The Associated Press nitong Miyerkules.