Bagong papal nuncio sa ‘Pinas
Dumating na sa bansa ang bagong talagang papal nuncio sa Pilipinas na si Archbishop Gabrille Caccia.
Ayon sa Catholic Bishops’ Conference of the Philippines (CBCP), si Caccia, 59, ay sinalubong nina Achbishop Emeritus Gaudencio Cardinal Rosales, incoming Catholic Bishops’ Conference of the Philippines (CBCP) President at Davao Archbishop Romulo Valles, Lipa Archbishop Gilbert Garcera, at Palo Archbishop John Du sa Ninoy Aquino International Airport (NAIA) nitong Biyernes.
Pinalitan ni Caccia sa puwesto si Italian Archbishop Giuseppe Pinto, na itinalaga naman sa kanyang bagong assignment sa Croatia.
Ipinanganak noong Pebrero 24, 1958, si Caccia ay naging pinuno ng General Affairs Secretariat ng Vatican at naging papal nuncio rin sa Lebanon noong 2009.