Rihanna aalis ng bahay para pumisan sa bagong boyfriend
INIULAT na hindi na umano iri- renew ni Rihanna ang renta sa kanyang New York apartment dahil nagpaplano siyang lumipat ng bahay kasama ang bagong lalaki sa kanyang buhay, ang Saudi billionaire na si Hassan Jameel.
Nirerentahan ng Umbrella singer ng $50,000 (£38,000) kada buwan ang four-bedroom, 3.5bathroom duplex penthouse simula pa noong 2013.
Gayunman, inilabas ni photographer Antoine Verglas na for sale ulit ang apartment na may price tag na $16.95 million (£12.9M). At ayon sa editors ng
Look magazine, nagdesisyon ang singer na lumipat na ng bahay mula sa Chinatown party pad, na mayroong mga alaala ng kanya dating relasyon na si Drake at si Chris Brown.
“The apartment shun is symbolic and deliberate,” saad ng source sa publikasyon. “It held way too many memories of her single life, not just times she’d shared there with her ex-boyfriends, but where she was at mentally, in her life.
“She always saw New York as a place to let loose and date, even if she was working there and holding business meetings.”
Sinasabing handa na si Rihanna “(To) build a future” sa piling ng guwapong businessman, na parehas 29 taong gulang, at nalaman itong “more relaxing and romantic” nang magsama sila sa London at sa Los Angeles.
“It’s an exciting and fresh phase for her – she couldn’t be more excited,” lahad ng source.
Gaya ng paghahanap ng bagong bahay, iniiwasan na rin umano ng Work singer ang kanyang exes, upang makapagsimula ng bago. Tumanggi siyang pumunta sa 31st birthday party ni Drake at hindi na kinakausap si Chris.
“Rihanna is only looking forward to at this stage in her life,” komento ng insider. “She’s done with negativity and just wishes the likes of Chris and Drake would move on, too.
“The fact Chris is still making blatant references to her in his song lyrics isn’t just annoying for her, she finds it depressing, too. It’s years since they were together now.”