China, ‘di babaguhin ang polisiya sa dagat

Hindi babaguhin ng China ang polisiya nito na resolbahin nang mapayapa ang mga iringan sa South China Sea sa pamamagitan ng pakikipagnegosasayon sa “countries directly concerned.”

Iginiit ni Chinese Premier Li Kequiang ang posisyong ito sa kanyang opening statement sa ASEAN- China Summit nitong nakaraang araw kung saan nanawagan din siya na paigtingin ang pagtitiwala sa isa’t isa tungo sa susunod na hakbang ng konsultasyon sa posibleng lalamanin ng Code of Conduct (COC).

“China’s commitment to the goal of upholding peace and stability in the South China Sea will not change, nor will we change our policy of peacefully resolving disputes over territory and maritime rights and interests through consultation and negotiation with countries directly concerned,” ani Li.

Nagpanukala rin ang Chinese premier na opsiyal nang ideklara ang pagsisimula ng konsultasyon sa COC.

Hiniling din niya sa mga partido na magsumikap upang matapos na ang COC sa mas maagang petsa, “to make it an anchor of peace and stability in the South China Sea.

“China conducts most of its trade through the South China Sea. We want peace and stability there more than any other country,” diin Li sa kanyang mga katapat sa ASEAN.

Sa draft statement na ipinakalat nitong linggo, nagkasundo ang 10 ASEAN member-states na opisyal na simulan ang mga negosasyon sa COC “while the situation is calmer now.”

Napagkasunduan ng ASEAN at ng China na i-adopt ang framework ng code of conduct na inaprubahan nitong Agosto mula sa binuong Declaration of the Conduct of Parties in the South China Sea noong 2002.

Bukod sa Pilipinas at China, ang iba pang bansa na may magkakasalungat na inaangking teritoryo sa South China Sea ay ang Malaysia, Brunei, Vietnam at Indonesia.