San Lorenzo, pumatas sa CEU Scorpions

NAPATATAG ng Colegio de San Lorenzo ang kampanya bago ang krusyal na pakikipagtuos sa defending champion Centro Escolar University nang pabagsakin ang Bulacan State University, 96-71, kahapon sa 2nd Universities and Colleges Basketball League (UCBL) sa Olivarez College gym sa Parañaque City.

Nanguna si Benin- native Soulemane Chabi Yo sa Griffins sa naiskor na 18 puntos sa final period para sa ikapitong sunod na panalo at makapantay ang CEU Scorpions sa 12-1 karta.

Paglalaban ng Griffins at Scorpions ang No. 1 seeding sa Sabado.

Humakot ang 6-foot-6 Chabi Yo ng 24 puntos, 14 rebounds, limang blocks, tatlong steals at dalawang assists.

“There’s no doubt that he’s been the driving force behind our sustained performance this season,” sambit ni CdSL coach Boni Garcia.

Nag-ambag si Jan Formento ng 11 puntos para sa Griffins.

Inapos naman ng Technological Institute of the Philippines ang kampanya sa impresibong 78-75 panalo kontra Lyceum-Batangas.

Hataw si Jorey Napoles sa nakubrang 36 puntos at 21 rebounds sa para sa TIP (5-9).

“We’re already out of (playoff) contention and since it’s their last season, we just wanna show our appreciation to them,” pahayag ni TIP coach Potit de Vera.

Iskor:

(Unang laro) TIP (78) — Napoles 36, Quiambao 12, lara 9, Daguro 6, Soriano 5, Ramos 4, Mallari 3, Palisoc 3, Latu 0, Tan 0.

Lyceum-Batangas 75 — Buen 20, Lapasaran 19, Saliente 14, Villanueva 8, Villaluna 7, Eranes 4, Fernandez 3, Axalan 0, Solitario 0. Quarterscores: 26-20; 45-32; 61-57; 78-75.

(Ikalawang laro) CdSL (96) — Chabi Yo 24, Formento 11, Rojas 9, Vargas 9, Sablan 8, Borja 8, Callano 7, Calizo 7, Ancheta 5, Alvarado 5, Laman 3, Baldevia 0, Gojar 0.

BulSU (71) — Fajardo 27, Crisostomo 25, Dela Cruz 10, Necio 2, Ledesma 2, Odoy 2, M. Mendoza 1, Cristobal 1, Enrile 1, Adebola 0. J. Mendoza 0, Peñaflor 0, Solayao 0.

Quarterscores: 27-16; 46-32; 68-52; 96-71.