Mugabe nagbitiw matapos ang 37 taon
Kumapit sa kapangyarihan ang 93-anyos na si Mugabe sa loob ng isang linggo kasunod ng kudeta ng militar, habang hinihimok siya ng ZANU-PF na bumitaw na. Pormal siyang nagbitiw matapos simulan ng parliament ang impeachment process na nakikitang tanging legal na paraan para puwersahin siyang umalis.
Nagdiwang ang mga tao sa joint sitting ng parliament nang basahin ni Speaker Jacob Mudenda ang maikling resignation letter ni Mugabe. Nagkukulong ngayon si Mugabe sa kanyang bahay sa Harare, at hindi nagpakita sa publiko.
Nagsayawan ang mga tao sa mga kalye ng Harare at bumusina ang mga sasakyan sa balitang nagtapos na ang panahon ni Mugabe – na pinamunuwan ang Zimbabwe simula nang kalayaan nito noong 1980. Ang iba ay nagwagayway ng mga poster ni Mnangagwa at ni army chief General Constantino Chiwenga.
Sinabi ng Amnesty International na sa ilalim ni Mugabe libu-libong mamamayan ang pinahirapan, naglaho, o pinatay.
HARARE (Reuters) – Nagbitiw si Robert Mugabe bilang president ng Zimbabwe nitong Martes, isang linggo makaraang kumilos ang army at ang mga dati niyang kaalyado sa pulitika para wakasan ang halos apat na dekadang pamumuno ng lalaki na minsang itinuring na independence hero at kalaunan naging kinatatakutang diktador.
Ang kanyang dating vice president na si Emmerson Mnangagwa, na ang pagkakasibak nitong buwan ang nagtulak sa militar na makialam para puwersahang paalisin si Mugabe, ang manunumpang presidente sa Miyerkules o Huwebes, ayon kay Patrick Chinamasa, legal secretary ng namumunong ZANU-PF party, sa Reuters.