National Antibiotic Guidelines, inilunsad ng DoH

INILUNSAD nitong Lunes ng Department of Health ( DoH), katuwang ang iba’t ibang ahensya at stakeholders, ang National Antibiotic Guidelines bilang paggunita sa 2nd World Antibiotic Awareness Week.

“The National Antibiotic Guidelines is aimed to optimize antimicrobial use and help improve the quality of patient care and patient safety,” lahad ni Health Secretary Francisco T. Duque III said, at sinabing ang Guidelines ay naglalaman ng mga inirekomendang paggamot sa mga nakahahawang sakit na pinagsama-sama ayon sa organ systems at iprinisinta sa tabular format upang madaling maunawaan.

Ang Guidelines ay binuo ng National Antibiotic Guidelines Committee, isang multi-disciplinary body na pinamumunuan ni Dr. Mediadora Saniel at binubuo ng mga eksperto sa larangan ng mgaq nakahahawang sakit, epidemiology, pharmacology at public health program management.

Ang tema sa ngayong taon ay “Seek Advice from a Qualified Healthcare Professional Before Taking Antibiotics” na naglalayong mas palawakin ang kamalayan ng publiko sa mga banta ng anti-microbial resistance ( AMR) at kung paano makapagaambag ang isang tao sa pagbagal ng pagkalat nito.

Ang mga kalahok sa magkakasunod na events ay ang mga healthcare provider sa pampubliko at pribadong mga pasilidad, iba pang ahensiya ng gobyerno, health professional associations, grupo ng mga pasyente, academe at mga estudyante. Inihayag ni Secretary Duque na sa katatapos lamang na 31st ASEAN Summit, lahat ng lider ng ASEAN members ay sumangayon sa ASEAN Leaders’ Declaration on Antimicrobial Resistance (AMR): Combating AMR through One Health Approach. Ang pagbubuo at pagsasapinal ng Declaration ay pinangunahan ng Pilipinas. Samantala, bahagi ng Philippine Antibiotic Awareness Week culminating activity ang pagbibigay ng gantimpala sa mga nagwagi sa AMR Jingle-Making Contest, na ang grand prize ay napanalunan nina Ms. Christine Terrado at Mr. Mark Pagulayan. Isinagawa rin ang Renewal of pledges upang labanan ang AMR, bago natapos ang programa. Nitong Nobyembre 7, pinangunahan ng DoH National Capital Regional Office ang kick-off ceremony sa Manila Grand Opera Hotel. Kabilang sa programa ang pagtalakay sa Overview of Antimicrobial Resistance at sa National Antimicrobial Stewardship Program in Hospitals, College Quizbee competition sa limang pharmacy schools sa Manila at pre-judged AMR Infographicsmaking contest at ang pagtatanghal ng DoH NCR pharmacists na may kinalaman sa maayos na paggamit ng antimicrobials.