Publiko, pinag-iingat ng Translucent Glass

NANAWAGAN ang pamunuan ng Translucent Tempered Glass Corporation sa publiko na magingat sa pakikipag-transaksyson sa mga dating empleyado na sina Sales Manager Sherwin-Jon Garcia Lacsina at Field Salesman Jino Carlo G. De Los Santos.

Ayon kay TTGC president at General Manager Anson Juanitas hindi na nila aprubado ang dalawa matapos ireklamo nang ilang kliyente hingil sa kabiguang mai-deliver ang mga na-order na equipment sa kumpanya.

“After counter-checking all the transaction made by the two on behalf of the company, nakita namin na matagal na silang gumagawa ng ilegal na gawain. We already terminated their employment and we’re contemplating to file necessary cases after consulting our legal department,” pahayag ni Juanitas.

Ayon kay Juanitas, umabot sa P2.9 milyon ang kabuuang halaga ng mga kagamitan na hindi nabayaran ni Lacsina na aniya’y isa sa may-ari ng Infinity Corporation na tumayong middleman sa ilang transaction ng kumpanya.

“For humanitarian reason, binigyan namin siya ng pagkakataon na bayaran na lang niya ang P2.9 milyon at nangako naman siya na huhulugan niya pauntiunti, pero tingin naming hinsi siya seryoso dahil hindi na siya nakikipagusap sa amin,” pahayag ni Juanitas.

Batay sa record ng kumpanya, nagsimulang magtrabaho ang dalawa noong 2015 at ipinasok ang Infinity bilang middleman.

“After several transaction, yung ibang kliyente naming ayaw magbayad dahil hindi naman daw dumating yung mga order nila. Ang lumabas, yung order nila sa Translucent, dinadala sa Infinity. Hindi naming alam, kung ilang porsiyento yung nakukuha nila mula sa orihinal na equipment na order sa amin sa Translucent. Nagreklamo na ang mga kliyente namin,” pahayag ni Juanitas.

Umaasa si Juanitas na mas maraming pang kliyente ang magrereklamo sa kanilang opisina ngayong nabulilyaso na ang matagal nang ilegal na gawain ng dalawang dating empleyado.