3 bagong ambassador itinalaga ni Duterte
Inilabas ng Malacañang kahapon ang appointment ng tatlong bagong Philippine ambassador sa Mexico, New Zealand at sa World Trade Organization sa Geneva, Switzerland.
Ang mga bagong envoy ay sina Manuel Antonio Javier Teehankee (WTO), Demetrio Remedios Tuason (Mexico) at Jesus Santos Domingo (New Zealand).
Nilagdaan ni Pangulong Rodrigo Duterte ang kanilang appointment papers noong Nobyembre 27, 2017.
Si Teehankee ay nagsilbing Foreign Affairs Undersecretary for International Economy at unang appointee ni Duterte sa DFA.
Si Domingo naman ay career diplomat na nagsilbi sa Philippine Mission to the United Nations sa Geneva. Bukod sa New Zealand, may jurisdictions din siya sa mga sumusunod na bansa: Cook Islands, Fiji, Tonga, at Samoa.
Hindi gaanong kilala sa mga bagong talagang diplomat si Tuason na iniulat na isang US- based businessman at dating executive ng local firearms manufacturer na Armscor.
Papalitan ni Tuason si Eduardo Jose De Vega na patungong Brussels bilang concurrent ambassador sa Belgium at Luxembourg at pinuno ng Philippine Mission sa European Union, vice Victoria Bataclan.
Bukod sa Mexico, pamumunuan din ni Tuason ang representations ng bansa sa Belize, Costa Rica, El Salvador, Guatemala, Honduras, Nicarague, Panama, Dominican Republic at Cuba.