3 tiklo sa buy-and- sell ng aso
GAPAN CITY, Nueva Ecija - Nahaharap ngayon sa paglabag sa Animal Welfare Act of 1998 ang tatlong katao, kabilang ang isang binatilyo, makaraang masangkot sa “buy-and-sell” ng buhay na aso, sa Barangay Bayanihan sa Gapan City, Nueva Ecija, nitong Linggo ng hapon.
Kinilala ang suspek na sina Ar-Magdag Pabustan, 26, tricycle driver; Joel Mabao y Mabongga, 31, construction worker, kapwa residente ng Bgy. San Roque, San Leonardo; at isang 15 taong gulang na lalaking estudyante.
Ayon kay Madria, humingi ng tulong si Allen Pekitpekit, researcher/ investigator ng Animal Kingdom Foundation Inc. na nakabase sa Capas, matapos makatanggap ng impormasyon na may gumagala umanong grupo na namimili at nagbebenta ng mga aso sa lungsod.
Agad na rumesponde ang mga tauhan ni Madria na humantong sa pagkakaaresto sa mga suspek, na nasamsaman ng 10 aso na isinakay sa tricycle.