Kelot tigok sa nakamotorsiklo

SAN LEONARDO, Nueva Ecija - Patay ang isang 45-anyos na lalaki makaraang pagbabarilin ng armadong nakamotorsiklo, nitong Linggo ng hapon.

Kinilala ni Chief Insp. Ranny Casilla ang biktimang si Loreto Cuevo y Pangilinan, residente ng Barangay Mallorca, na nagtamo ng mga tama ng bala sa iba’t ibang bahagi ng katawan at kaagad na namatay.

Dakong 5:35 ng hapon at nakatayo ang biktima sa compound ni Lingkod del Rosario, ng nasabing barangay, nang biglang sumulpot ang isang nakamotorsiklo at pinagbabaril ang biktima bago tumakas.

May hinala ang pulisya na “love triangle” ang motibo ng pamamaril habang patuloy pa ang imbestigasyon.