NoKor nagbabala ng digmaang ‘di maiiwasan

SEOUL (AP) – Sinabi ng North Korea na naghihintay na lamang ng oras ang nuclear war sa Korean Peninsula, sa patuloy nitong pagbabatikos sa malaking joint military exercise ng United States at South Korea.

Sinabi rin ng North Korea na kinumpirma sa “bellicose remarks” ng matataas na opisyal ng US, kabilang si CIA Director Mike Pompeo, ang layunin ng Amerika na makipagdigma.

Sinabi ni Pompeo nitong Sabado na naniniwala ang U.S. intelligence agencies na hindi alam ni North Korean leader Kim Jong Un kung gaano siya kahina sa loob at labas ng bansa. Sinabi ng tagapagsalita ng North Korean Foreign Ministry na ginagalit ni Pompeo ang bansa sa “impudently criticizing our supreme leadership.’’