Vatican, France at Cambodia envoys inistima ni Digong

Nagpahayag si Pangulong Rodrigo Duterte ng pagnanais na mas tumibay pa ang relasyon sa Vatican, France, at Cambodia nang tanggapin niya ang credentials ng mga ambassador ng tatlong estado, nitong Miyerkules.

Ayon sa Malacañang, inistima ni Digong ang bagong Papal Apostolic Nuncio Most Reverend Gabriele Caccia, at si bagong France Ambassador to Manila Nicolas Galey na kapwa nagpresinta ng kanilang credentials sa Pangulo.

Sinabi ni Duterte sa bagong Apostolic Nuncio na nais ng Pilipinas ng mas matatag na relasyon sa Vatican.

Binanggit niya kay Galey ang pagnanais ng Pilipinas na magpapatuloy ang partnership sa France at nagpasalamat sa tulong “in fighting terrorism.”

Natuwa si Duterte sa pagbisita ni Cambodian Minister on Foreign Affairs and International Cooperation (MFAIC) Prak Sokhon, at sinabing nais ng bansa na mas tumibay pa ang relasyon sa Cambodia.