STDs naihahawa sa pamamagitan ng oral sex

REGULAR na ginagawa ng kabataan ang oral sex sa Amerika ngunit minsan lamang gumamit ng condom upang hindi mahawaan ng sexually transmitted diseases (STD), nalaman sa bagong pag-aaral.

Hindi ito nagulat dito ang mananaliksik na namuno sa pag-aaral. “Many studies show that adolescents and young adults are unaware of the health risks associated with oral sex,” lahad ni Giuseppina Valle Holway, sociology professor sa The University of Tampa sa Florida, sa ipinadalang email.

Sa ulat sa Journal of Adolescent Health, sinuri ni Holway at ng kanyang co-author na si Stephanie Hernandez ang mga ulat ng heterosexual oral sex at ang paggamit ng condom mula sa mga kinatawan ng bansa na umaabot sa mahigit 7,000 kabataan sa Amerika, na edad 15 hanggang 24.

Mahigit sa kalahati ang iniulat na nakikipagtalik sa pamamagitan ng bibig o lalamunan sa nakaraang taon, ngunit walong porsiyento lamang sa kababaihan at siyam na porsiyento sa kalalakihan ang nagsabing gumamit sila ng condom.

“Many young adults do not perceive they are at risk of contracting a sexually transmitted infection,” saad ni Erin Moore, propesro ng human sexuality sa Stetson University sa DeLand, Florida, na walang kinalaman sapag-aaral.

Mas mababa ang posibilidad na mahawaan ng sakit sa pamamagitan ng oral sex kaysa sa vaginal or anal intercourse, aniya, ngunit mapanganib pa rin ito.

“If people are not going to use condoms consistently, then the most important thing they should do is get tested for sexually transmitted infections and make sure their partners get tested before engaging in oral, vaginal or anal sex,” saad ni Moore sa isang email.

Kabilang sa STDs na maaaring maipasa sa oral sex ang gonorrhea, syphilis, herpes, at HIV, ang virus na sanhi ng AIDS.